«Кыргыз улуттук агрардык университетинин Жарчысы» журналынын редакциясы төмөнкү негизги багыттар боюнча фундаменталдык маселелерди камтыган оригиналдуу макалаларды жарыялоо үчүн кабыл алат:
- агрардык илимдер
- ветеринардык медицина
- өсүмдүк өстүрүү
- мал чарбачылыгы
- тармактык экономика
- экология
- айыл чарбасында механизациялаштыруу жана автоматташтыруу
Кол жазма журналдын редакциясына орус, кыргыз же англис (британдык вариант) тилдеринде берилет. Англис тилиндеги версия оригинал текст ушул тилде жазылган учурда же кесипкөй котормо болгон учурда гана кабыл алынат. Электрондук куралдардын жардамы менен которулган иштер кабыл алынбайт. Бир макаланын авторлорунун саны 5 адамдан ашпоого тийиш. Кол жазма журналдын редакциясына өткөрүлүп берилгенден кийин макаланын автордук курамына өзгөртүү киргизүүгө жол берилбейт.
Электрондук форматтагы макалалар редколлегияга info@knau-bulletin.com, электрондук дареги же Макаланы тапшыруу веб-сайты аркылуу жөнөтүлөт.
Макалага өзүнчө файл менен авторлор жөнүндө үч тилде (кыргыз, орус жана англис) маалыматтар: фамилиясы, аты, атасынын аты, иш аткарылган мекемелердин аталыштары жана почталык даректери, ошондой эле байланыш телефондору, электрондук даректери, илимий даражасы жана кызмат орду тиркелет. 2022-жылдын 1-октябрынан баштап макаланын авторлорунун ар биринин ORCID идентификациялык номерлерин кошуу милдеттүү. Сиз ORCIDти расмий түрдө https://orcid.org/ веб-сайттан түзө аласыз.
Файлдын аталыштары автордун фамилиясына дал келиши керек. Мисалы: Иванов_Макала, Иванов_Маалымат.
Кол жазманы алган күнү болуп анын редакцияга келип түшкөн күнү эсептелет. Бул эрежелерге туура келбеген кол жазма келип түшкөн учурда редакция мындай материалды карабоо укугун өзүнө калтырат, бул тууралуу авторлорго кабарлайт.
Макаланын англис тилиндеги нускасы анын профессионалдык котормосу болгондо гана кабыл алынат. Интернет котормочуларынын жардамы менен которулган англис тилиндеги нускасы жөнөтүлгөн учурда (мисалы, Google), материалдар четке кагылат.
БАСЫП ЧЫГАРУУГА ЧЕЙИНКИ ДАЯРДОО БОЮНЧА КЫЗМАТТАРДЫ КӨРСӨТҮҮ ЖӨНҮНДӨ АЧЫК КЕЛИШИМ